Cyflwynir Hoffi Bwyd, Casáu Gwastraff ichi gan yr elusen gweithredu ar yr hinsawdd ryngwladol, WRAP. Rydym wedi bod yn rhannu’r neges am wastraff bwyd mewn cartrefi a sut i’w frwydro ers 2007. Rydym wedi gwneud cynnydd gwych gyda’n gilydd ar leihau faint o fwyd da sy’n mynd i’r bin yn y Deyrnas Unedig. Ond, mae mwy y mae angen inni ei wneud o hyd.

Gyda phrinder bwyd yn cael ei drafod yn gynyddol, costau byw yn codi, a nifer gynyddol o bobl heb ddigon o fwyd i’w fwyta, mae’n bwysig iawn inni wneud popeth y gallwn i fanteisio i’r eithaf ar fwyd. Mae’n lleihau’r pwysau ar y system bwyd gyfan, i ni oll.

Tîm ydym ni sy’n chwilio’n ddiflino am syniadau newydd ar gyfer helpu i daclo heriau bywyd a manteisio i’r eithaf ar fwyd. (Rydym wrth ein boddau gyda tip neu hac newydd!) Mae’r wybodaeth a gyflwynwn ichi wedi’i roi ar brawf gan ymchwil a gan ein harbenigwyr bwyd, i wneud yn siŵr ei fod o gymaint o help â phosibl i chi (ac i’n planed).

Rydym yn gweithio’n agos gyda chwmnïau sy’n cynhyrchu ein bwyd a’r siopau ac archfarchnadoedd sy’n gwerthu ein bwyd ynghylch bod yn ddoethach gyda’r modd y caiff bwyd ei becynnu a’i werthu.

Rydym hefyd yn helpu i symleiddio sut caiff bwyd ei labelu, gan ddefnyddio’r cyfle hwn i ychwanegu nodiadau atgoffa ar becynnau bwydydd fel y lle gorau i storio gwahanol fwydydd er mwyn iddynt gadw’n fwy ffres yn hirach. Ydych chi wedi gweld cyngor Hoffi Bwyd, Casáu Gwastraff ar becynnau yn Aldi, Lidl a Tesco?

Rydym hefyd yn gweithio gyda phartneriaid i ddatblygu technoleg a thechnegau arbed bwyd, i gadw cymaint o fwyd â phosibl ar blatiau ac oddi wrth y bin.

Mae Hoffi Bwyd, Casáu Gwastraff yn gysylltiedig â gweithredu ar yr hinsawdd mewn meysydd pwysig eraill hefyd, yn cynnwys ailgylchu, plastigion a dillad. Tra byddwch yn rhoi cynnig ar arferion arbed bwyd newydd, beth am fwrw golwg ar feysydd eraill ble gallwch leihau eich effaith ar y blaned hefyd? (Ynghyd â gwneud eich bywyd yn haws ar yr un pryd!)

Ewch i’r gwefannau canlynol i ddysgu mwy.